Category: Fréttir

[English below] Garðabæjarlistinn boðar til aðalfundar laugardaginn 18. mars kl. 16 í Sveinatungu, sal Garðabæjar að Garðatorgi 7. Við hvetjum allt áhugafólk um sveitarstjórnarmál til að mæta á fundinn og taka þátt í starfi listans. 

Dagskrá fundarins skv. samþykktum félagsins er eftirfarandi: 

1. Kosning fundarstjóra og fundarritara
2. Skýrsla stjórnar lögð fram
3. Reikningar lagðir fram til samþykktar
4. Lagabreytingar
5. Ákvörðun félagsgjalds
6. Kosning stjórnar, formanns og fjögurra meðstjórnenda
7. Önnur mál

Lagabreytingartillögur og framboð til stjórnar eða formanns berist á gbrlistinn@gmail.com. Einnig er hægt að bjóða sig fram á fundinum sjálfum. 

Kaffiveitingar á boðstólum! Einnig verður aðalfundarhóf Garðabæjarlistans, X-Gleði, kl. 20 sama dag, en staðsetning þess verður auglýst á fundinum. 

Finna má frekari upplýsingar um Garðabæjarlistann á vefsíðu okkar, gardabaejarlistinn.is

Hlökkum til að sjá ykkur!

//

Garðabæjarlistinn invites you to our annual general meeting on Saturday, March 18 at 4 PM in Sveinatunga, Garðatorg 7. We encourage all people interested in local government issues to attend the meeting and participate.

The agenda of the meeting is as follows:

1. Election of chair and secretary of the meeting
2. Annual report submitted
3. Invoices submitted for approval
4. Amendments
5. Determination of membership fee
6. Election of the board, chair and four board members
7. Other matters

Amendment proposals and candidacy for the board or chair should be sent to gbrlistinn@gmail.com. You can also register to run for the board at the meeting itself.

There will be coffee and something sweet! We will also have a party, X-Gleði, at 8 PM on the same day. Its location will be announced at the meeting.

You can find more information about Garðabæjarlistinn on our website, gardabaejarlistinn.is

We look forward to seeing you!

Nú er komið að því að kveðja árið 2022 og taka á móti nýju upphafi. Þá er við hæfi að líta yfir farinn veg. Við, bæjarfulltrúar Garðabæjarlistans, höfum margt til að vera þakklát fyrir á árinu. Að baki er kosningaár þar sem okkar málefni kristölluðust í áherslu á fjölbreytt, ábyrgt og barnvænt samfélag. Við náðum góðum árangri í kosningum til bæjarstjórnar, en við fengum tvo bæjarfulltrúa og vorum grátlega nálægt því að fá inn þriðja mann. Garðabæjarlistinn hlaut 20,9% atkvæða og er þar með stærsti flokkurinn í minnihlutanum í bæjarstjórn. Við tökum því hlutverki alvarlega og veitum meirihluta Sjálfstæðisflokks öflugt aðhald fyrir hönd okkar kjósenda. 

Garðabæjarlistinn hefur fundað fyrir hvern bæjarstjórnarfund frá kosningum og haldið uppi öflugu málefnastarfi, tekið sameiginlegar ákvarðanir um forgangsröðun og afgreiðslu mála. Frá kosningum höfum við lagt fram fjölda tillagna og nýtum hvert tækifæri til að koma okkar skoðun á framfæri.

Dæmi um tillögur okkar á árinu eru hækkun hvatapeninga í 75 þúsund og að þeir fylgi framvegis verðlagi. Þetta kom til framkvæmda að hluta, en hvatapeningar munu hækka um 10% árið 2023. Við lögðum einnig fram tillögu um að færa matarkostnað í leik- og grunnskólum undir reglur um tekjutengingu, en endurskoðun á reglum um tekjutengingu gjalda fer fram í vor og við vonumst til þess að koma þessum lið þar undir til að létta enn frekar undir með tekjulægstu barnafjölskyldunum hér í bænum. 

Við lok síðasta kjörtímabils lögðum við fram tillögu um grænmetis- og ávaxtastund í grunnskólum ásamt Sjálfstæðisflokki, sem verður að veruleika næsta haust. Samningur við Samtökin ‘78 um hinsegin fræðslu til starfsfólks bæjarins og grunnskólabarna, tillaga sem við stóðum að ásamt öllum flokkum í bæjarstjórn, hefur verið undirritaður og samstarf hafið. 

Önnur mál úr okkar ranni hafa hlotið brautargengi í bæjarstjórn á árinu, sem ber vott um ánægjulega breytingu á samstarfsvilja meirihlutans eftir kosningar. Tillaga Garðabæjarlistans um gerð hjólreiðaáætlunar fyrir Garðabæ var samþykkt í sumar og starfshópur skipaður á haustdögum. Þá var bæjarstjóra falið að útbúa málstefnu Garðabæjar á grundvelli tillögu okkar, með það að leiðarljósi að viðmiðunarreglur séu til um framsetningu upplýsinga á íslensku sem og á öðrum tungumálum. Einnig höfum við lagt fram ítarlega fyrirspurn í bæjarstjórn um viðbrögð við raka- og mygluskemmdum og í fjölskylduráði höfum við óskað eftir upplýsingum um félagslegt húsnæði, biðlista og fjölda barna í þeim úrræðum. 

Með öðrum orðum hefur Garðabæjarlistinn ekki setið auðum höndum frekar en fyrri daginn og við munum halda áfram af sama krafti á næsta ári, í þágu allra íbúa.  

Garðabæjarlistinn samþykkti fjárhagsáætlun Garðabæjar nú í byrjun desember, þrátt fyrir að vera í grunninn ósammála meirihlutanum hvað varðar tekju- og gjaldahliðina. Þá óánægju sýndum við með því að sitja hjá við afgreiðslu gjaldskráa og með því að leggja fram bókun við afgreiðslu fjárhagsáætlunar þar sem afstaða okkar er tíunduð. Gjöld á börn og barnafjölskyldur eru enn of há í Garðabæ og við munum halda áfram að tala fyrir því að þau verði lækkuð. Hins vegar eru í fjárhagsáætlun næsta árs fjöldi mála sem við töluðum fyrir bæði í kosningabaráttunni og í bæjarstjórn. Dæmi um mál sem við styðjum og höfum talað fyrir er sumarfrístund, markviss uppbygging innviða í takt við íbúafjölgun, stóraukið viðhald skólabygginga, áhersla á velferð barna og markvissa innleiðingu samþættrar þjónustu við börn á grundvelli nýrra farsældarlaga, aukin fjárfesting bæði í búsetuúrræðum fyrir fatlað fólk og almennu félagslegu húsnæði, uppbygging Garðatorgs og fleira. Þá eru ótalin einstök smærri mál sem við höfum komið í gegn á árinu, hvort sem það er í hluta eða heild, líkt og farið var yfir hér að ofan. 

Við gerum okkur grein fyrir því að við breytum ekki stóru myndinni við stjórn bæjarins á meðan Garðabæjarlistinn er í minnihluta. Þangað til það breytist höfum við því kosið að láta að okkur kveða í samstarfi og með þéttu en sanngjörnu aðhaldi bæði í bæjarstjórn og í nefndum bæjarins. Við vonumst til þess á nýju ári að koma í gegn málum á borð við tekjutengingu matarkostnaðar í leik- og grunnskólum, frekari hækkun hvatapeninga, aukinni uppbyggingu hagkvæms húsnæðis og öðrum málum sem létta undir með lág- og millitekjuhópum í bænum. 

Við erum full bjartsýni fyrir árið 2023 og Garðabæjarlistinn mun áfram standa vaktina í þágu samfélags sem er fyrir okkur öll: Fjölbreytt, barnvænt og ábyrgt. Við óskum Garðbæingum gleðilegs nýs árs með kærum þökkum fyrir árið sem er að líða. 

Þorbjörg Þorvaldsdóttir og Ingvar Arnarson, bæjarfulltrúar Garðabæjarlistans. 

Annar fundur kjörtímabilsins í bæjarstjórn Garðabæjar fór fram fimmtudaginn 16. júní. Fundinn sátu fyrir hönd Garðabæjarlistans: Þorbjörg Þorvaldsdóttir, oddviti, og Greta Ósk Óskarsdóttir, sem kom inn sem varabæjarfulltrúi á sinn fyrsta fund í bæjarstjórn. 

Í upphafi fundar var ráðningarsamningur bæjarstjóra borinn upp til samþykktar bæjarstjórnar, en af því tilefni endurbókaði Þorbjörg bókun Ingvars Arnarssonar úr bæjarráði 7. júní: 

Hérna höfum við samning sem gerður er af Sjálfstæðisflokknum við oddvita þeirra og það án allrar aðkomu minnihlutans. Við í Garðabæjarlistanum viljum hafa laun bæjarstjóra lægri en þau sem eru í þessum samningi. Við teljum þetta of há laun fyrir þau störf sem bæjarstjóri í 18.000 manna sveitarfélagi á að fá. 

Þorbjörg og Greta sátu hjá við afgreiðslu samningsins, en afstaða Garðabæjarlistans skýr og komin fram. Þó átti sér stað góð umræða á fundinum um launakjör kjörinna fulltrúa. Það verður að teljast meirihlutanum til tekna að laun bæjarstjóra hafa verið lækkuð umtalsvert frá því sem áður var, þótt við hefðum viljað sjá meiri lækkun – enda þiggur bæjarstjóri einnig laun fyrir setu í bæjarstjórn og nefndum.

Undir fundargerð bæjarráðs kom Þorbjörg einnig inn á undirskriftalista barna í Flataskóla sem óska eftir stórri rennibraut í Ásgarðslaug. Hún sagðist vona að vel yrði tekið í erindið, sem vísað hefur verið til bæjarstjóra. Það er til mikillar fyrirmyndar að börn láti í sér heyra við sveitarfélagið og við í Garðabæjarlistanum fögnum framtaki krakkanna. 

Garðabæjarlistinn tók þátt í bókun Framsóknar varðandi styrktarsjóð Garðasóknar, sem hlýtur 1.6 milljóna króna styrk ár hvert. Bókunin hljóðaði svo: 

Framsókn og Garðabæjarlistinn vilja að fólk í fjárhagsvanda geti leitað sér aðstoðar óháð því hvaða trú það aðhyllist. Um er að ræða ráðstöfun á útsvari bæjarbúa. Þjóðkirkjan er ríkisrekin stofnun og fær fjármagn þaðan, það væri mun eðlilegra að hér væri sjóður á vegum Garðabæjar sem allir bæjarbúar upplifðu að þeir gætu leitað til. Samkvæmt stjórnarskrá ríkir trúfrelsi á Íslandi og því skrítið að í reynd þvinga fólk sem þarf á aðstoð að leita sér hennar í gegnum kirkjuna.

Þorbjörg kom svo upp og skýrði afstöðu sína: „Mig langar að byrja á því að segja að ég styð allt mannúðarstarf. Fjárhagsaðstoð Þjóðkirkjunnar almennt er ótrúlega góð og þar veit ég að fólki í fjárhagsvanda er mætt af skilningi og hlýhug – og ólíkt mörgum hjálparsamtökum afhenda þau yfirleitt fólki pening sem það getur ráðstafað sjálft, enda þekkir fólk eigin þarfir best. 

Hins vegar finnst mér í prinsippinu ekki rétt að Garðabær reiði sig á úrræði sem er svo augljóslega tengt tiltekinni trú til þess að koma fólki til aðstoðar. Í þessu fyrirkomulagi felst, þrátt fyrir einlægan vilja um annað, mismunun gagnvart þeim sem ekki vilja leita til kirkjunnar.“

Einnig sagði Þorbjörg að gott væri að hafa upplýsingar um úthlutanir úr sjóðnum, þar sem það gæti gefið sveitarfélaginu betri mynd af stöðu fólks í bænum. Greta Ósk óskaði eftir upplýsingum um það hvaða styrktar- og líknarfélög Garðabær styrkir og hversu stór hluti þeirra tengist trúfélögum.

Í kjölfar bókunarinnar var góð umræða í bæjarstjórn um málið, þar sem skoðanir eru skiptar. Sjálfstæðismenn telja þetta snúast um að kasta víðu neti til þess að koma fólki til aðstoðar, á meðan fulltrúar minnihlutans telja óeðlilegt að svo sterk tengsl séu milli sveitarfélagsins og tiltekins sjóðs á vegum trúfélags, en samþykktir sjóðsins kveða á um árlegt framlag frá Garðabæ og bæjarstjórn tilnefnir mann í stjórn. Það sem mátti þó ráða af umræðunum var mikill vilji allra til þess að koma fólki í fjárhagsvanda til aðstoðar, sem okkur í Garðabæjarlistanum finnst afar jákvætt. 

Þegar fundargerð skólanefndar var lögð fram lýsti Þorbjörg yfir áhyggjum af niðurstöðum könnunar meðal starfsmanna á kynjajafnrétti, starfsþróun og símenntun, þar sem svör sem fólk skrifaði inn bera þess vitni að starfsfólk á a.m.k. sumum vinnustöðum í Garðabæ búi við óviðunandi álag. Hún hvatti bæjarstjórn til að taka umkvartanirnar alvarlega og hlusta á ákall starfsfólks um betri mönnun, aukinn viðverusveigjanleika og skilning gagnvart fjölskylduaðstæðum. 

Fjöldi tillagna lá fyrir fundinum: 

Þorbjörg og Greta studdu tillögu Viðreisnar og Framsóknarflokks um stefnumótunarvinnu á starfi félagsmiðstöðva Garðabæjar, en tillögunni var hafnað af Sjálfstæðisflokki.

Einnig studdu fulltrúar Garðabæjarlistans tillögu Viðreisnar um starfshóp um þróun á grunnskólauppbyggingu Garðabæjar. Tillögunni var einnig hafnað af Sjálfstæðisflokki. 

Garðabæjarlistinn hafnaði tillögu Viðreisnar um bætt rekstrarumhverfi sjálfstætt starfandi grunnskóla í Garðabæ. Ástæða þess er að tillagan fól í sér að í stað þess að sjálfstætt starfandi grunnskólar fengju sama framlag á nemanda og aðrir grunnskólar í Garðabæ (líkt og nú er) myndu þeir fá hærra framlag, sem við teljum ósanngjarnt gagnvart grunnskólum sem eru reknir af sveitarfélaginu og ekki stutt nægilega sterkum rökum. 

Þorbjörg lagði fram tillögu Garðabæjarlistans um örugg hjólaskýli, sem var samþykkt samhljóða. Tillagan hljóðar svo: 

Bæjarstjórn samþykkir að fela tækni- og umhverfissviði að taka saman yfirlit yfir þá skóla og íþróttamannvirki þar sem mest þörf er fyrir öruggari hjólastæði, yfirbyggð og/eða myndavélavöktuð hjólaskýli. Fyrsti fasi í uppsetningu slíkra stæða og skýla, út frá fyrrnefndri þarfagreiningu, verði hluti fjárhagsáætlunar ársins 2023.

Það gleður okkur að þessi tillaga hafi fengið framgang og hlökkum svo sannarlega til að sjá áhuga fólks á virkum ferðamátum aukast með betri og öruggari geymslumöguleikum.

Garðabæjarlistinn samþykkti loks tvær tillögur Sjálfstæðisflokksins. Annars vegar um nafngift og fegrun hringtorga í Garðabæ og hins vegar tillögu um skipan undirbúningsnefndar vegna uppbyggingar miðbæjarsvæðis í Garðabæ. Greta og Þorbjörg lýstu báðar yfir ánægju með tillöguna en bentu auðvitað á að sá sundurleiti miðbær sem við búum við í dag sé auðvitað verk meirihlutans. Við miðbæjartillöguna bókuðu þær eftirfarandi: 

Þetta er frábært skref og Garðabæjarlistinn styður tillöguna af heilum hug.

Í þessari vinnu er mjög mikilvægt að horft verði sérstaklega til aðgengis fatlaðs fólks, eldra fólks og barna að svæðinu. Einnig skiptir máli að hafa hjólandi og gangandi vegfarendur í forgangi og leita leiða til þess að miðbærinn okkar kafni ekki í bílaumferð eins og raunin er núna. Garðatorg er frábærlega fjölbreyttur þjónustu- og verslunarkjarni, en við verðum að gera hann meira aðlaðandi og grænni. 

Greta Ósk kom sérstaklega inn á græna þáttinn: „Ég vona innilega að græn svæði, gróður og gróðurhús verði áberandi í framtíðaráætlunum vegna þess að rannsóknir sýna að þau auka lífsgæði og eru heilsusamleg.“

Síðasta mál fundarins var svo tillaga um sumarfrí bæjarstjórnar, en næsti fundur verður haldinn 18. ágúst. Þangað til sinnir bæjarráð afgreiðslu mála og þar munum við í Garðabæjarlistanum að sjálfsögðu standa vaktina í sumar. Þegar bæjarstjórn tekur aftur til starfa 18. ágúst verða sólblóm þeirra sem hafa sáð fræjunum frá okkur vonandi búin blómstra. 

Bæjarfulltrúar Garðabæjarlistans, Þorbjörg Þorvaldsdóttir og Ingvar Arnarson, sátu í gær (2. júní 2022) sinn fyrsta bæjarstjórnarfund á nýju kjörtímabili. Á fundinum voru helstu mál þau að ráða bæjarstjóra og skipa í nefndir og ráð (sjá lista neðst í fréttinni). Í bæjarráði fyrir hönd Garðabæjarlistans situr Ingvar fyrsta og þriðja ár kjörtímabilsins, en Þorbjörg mun taka sæti í bæjarráði annað og fjórða árið.

Almar Guðmundsson, oddviti Sjálfstæðisflokks, var ráðinn bæjarstjóri á fundinum. Garðabæjarlistinn sat hjá við atkvæðagreiðsluna og færði fram eftirfarandi bókun: Garðabæjarlistinn situr hjá við þessa atkvæðagreiðslu þar sem við teljum mikilvægt að bæjarstjóri Garðabæjar sé fyrst og fremst ráðinn á faglegum grundvelli. Okkur finnst eðlilegt að bæjarstjóri sé framkvæmdastjóri sveitarfélagsins og fylgi stefnu bæjarstjórnar en sitji ekki báðum megin borðsins.

Bæjarfulltrúar Framsóknar og Viðreisnar lögðu fram tillögu um áheyrnarfulltrúa í nefndum Garðabæjar. Garðabæjarlistinn lýsti yfir stuðningi við tillöguna og bókaði eftirfarandi: Garðabæjarlistinn styður tillögu Framsóknar og Viðreisnar, enda er aukin aðkoma og aðgengi allra flokka að nefndarstarfi mikilvægt lýðræðismál og mun stuðla að upplýstari umræðu og því að fulltrúar allra kjósenda í Garðabæ geti uppfyllt skyldur sínar. Tillögunni var vísað til bæjarráðs til frekari skoðunar og við vonumst til að sjá hana verða að veruleika.

Ingvar vakti á fundinum máls á tveimur erindum sem tengjast íþrótta- og tómstundastarfi og hafa komið á borð bæjarráðs. Annars vegar bréf Sentia um aðstöðu fyrir LARP í Heiðmörk og hins vegar ósk FG um uppsetningu frisbígolfvallar í kringum skólann. Bæði þessi erindi eru afar spennandi og til þess fallin að auka framboð af fjölbreyttu tómstundastarfi í bænum okkar, útivist og hreyfingu.

Auk þess fjallaði Ingvar um mikilvægi þess að halda vel utan um þau ungmenni sem eru í aukinni hættu á brottfalli úr framhaldsskóla vegna félagslegrar og efnahagslegrar stöðu með viðeigandi úrræðum.

Til umræðu kom bréf frá foreldri barns með sérþarfir sem ekki finnur úrræði við hæfi í Garðabæ í sumar. Þorbjörg lýsti yfir stuðningi Garðabæjarlistans við bréfritara og lagði að auki áherslu á mikilvægi þess að í Garðabæ verði starfrækt sumarfrístund í skólunum á vegum sveitarfélagsins, til viðbótar við það framboð sem fyrir er.

Þorbjörg fjallaði einnig um minnisblað sem kom á borð bæjarráðs er varðar móttöku umsækjenda um alþjóðlega vernd frá Úkraínu. Hún fagnaði því að sveitarfélagið taki á móti flóttafólki og að þekking á þessu sviði væri nú að byggjast upp í Garðabæ. Þá sagðist hún vonast til þess að Garðabær geti tekið á móti enn fleira fólki í sömu stöðu á næstu árum. Ekki síst sé mikilvægt að starfsfólk skóla fái góða fræðslu, t.d. um einkenni áfallastreituröskunar hjá börnum.

Í þessu samhengi kom hún einnig inn á þá staðreynd að lengi hefur vantað betri upplýsingar um þjónustu Garðabæjar á öðrum tungumálum en íslensku og nefndi að Fjölmenningarsetur býður upp á ráðgjöf til sveitarfélaga. Hægt væri að fá þau í lið með Garðabæ til þess að nýta tækifærið sem hefur skapast núna til að uppfæra alla upplýsingagjöf og efla móttöku innflytjenda af ýmsu tagi.

Næsti fundur bæjarstjórnar verður haldinn 16. júní kl. 17 og verður sendur út á vef Garðabæjar. Við bendum á að bæjarbúum er ávallt velkomið að hafa samband við Þorbjörgu (thorbjorg.thorvaldsdottir@gardabaer.is) og Ingvar (ingvar.arnarson@gardabaer.is).

Fulltrúar Garðabæjarlistans í nefndum og ráðum:

Fjölskylduráð: Þorbjörg Þorvaldsdóttir aðalmaður, Theodóra Fanndal varamaður
Íþrótta- og tómstundaráð: Harpa Þorsteinsdóttir aðalmaður, Sigurður Þórðarson varamaður
Leikskólanefnd: Finnur Jónsson aðalmaður, Maru Aleman varamaður
Menningar- og safnanefnd: Sveinbjörg Vilhjálmsdóttir aðalmaður, Björn Gabríel Björnsson varamaður
Skipulagsnefnd: Baldur Ó. Svavarsson aðalmaður, Ingvar Arnarson varamaður
Skólanefnd grunnskóla: Hannes Ingi Geirsson aðalmaður, Hulda Gísladóttir varamaður
Skólanefnd Tónlistarskóla Garðabæjar: Ingvar Arnarson aðalmaður, Sólveig Guðrún Geirsdóttir varamaður
Umhverfisnefnd: Greta Ósk Óskarsdóttir aðalmaður, Guðrún Elín Herbertsdóttir varamaður
Öldungaráð: Sveinbjörg Vilhjálmsdóttir aðalmaður, Hrafn Magnússon varamaður
Kjörstjórn: Gunnar Hólmsteinn Ársælsson aðalmaður
Svæðisskipulagsnefnd: Ingvar Arnarson aðalmaður, Baldur Ó. Svavarsson varamaður

Á morgun kjósum við um það hvernig framtíðin í samfélaginu okkar lítur út. Hvernig Garðabæ við viljum sjá á næstu árum.

Við Garðbæingar vitum hvernig samfélag Sjálfstæðisflokkurinn í Garðabæ hefur skapað. Þegar sami flokkurinn er við völd áratugum saman verður til samfélag þar sem fólk sem hefur hagsmuna að gæta gagnvart sveitarfélaginu veigrar sér við því að láta í sér heyra, þar sem ákveðinn flokkur er normið og allt annað frávik, þar sem tengsl inn í flokkinn verða til þess að tækifæri bjóðast sem aðrir fá ekki. Þar sem réttmæt gagnrýni á vinnubrögð meirihlutans, lögð fram af tiltrú og ást á samfélaginu, er máluð upp sem niðurrifstal. Eins og það að samþykkja ekki möglunarlaust allt sem Sjálfstæðisflokknum dettur í hug sé að vera á móti Garðabæ.

Það er kominn tími til að gefa upp á nýtt og losna við þetta ójafnvægi. Það er kominn tími til þess að leyfa samfélaginu okkar að blómstra. Þar sem skoðanaskipti eru velkomin og þar sem enginn hefur sjálfkrafa tilkall til áhrifa.

Við Garðbæingar erum miklu fjölbreyttari en fólk heldur. Í Garðabæ býr fólk sem er kærleiksríkt, sem lætur sig samfélagið sitt varða og allt fólkið í því. Fólk sem trúir því að við getum gert betur í dásamlega bæjarfélaginu okkar.

Ég veit að Garðabær á sér bjarta framtíð þar sem mannvirðing og ábyrgð gagnvart samfélaginu er höfð að leiðarljósi, þar sem fjölbreyttir húsnæðiskostir og ferðamátar eru til staðar fyrir fjölbreytt fólk og þar sem börn gjalda ekki fyrir efnahag foreldra sinna. Þar sem enginn er skilinn útundan.

Það er löngu kominn tími á breytingar í samfélaginu okkar hér í Garðabæ. Garðabæjarlistinn hefur skýra framtíðarsýn, er bæði reynslumikill og ferskur en fyrst og fremst samsettur af fólki sem brennur fyrir betri bæ.

Garðabær er okkar samfélag og tíminn er núna. Mætum á kjörstað á morgun, kjósum X-G.

Mikið er rætt um bættar samgöngur í Garðabæ og bætta samgönguinnviði. Umferðarþungi milli Garðabæjar og Reykjavíkur er viðvarandi vandamál. Flestir íbúar Garðabæjar þurfa að sækja vinnu eða nám til Reykjavíkur. Sá tími sem tekur að aka í mikilli umferð til og frá vinnu skerðir lífsgæði fjölskyldna í bæjarfélaginu. Þessi mikli akstur er einnig mjög óumhverfisvænn og stækkar kolvetnisspor bæjarins til muna. 

Eru bættir samgönguinnviðir eina leiðin til að bæta þetta ástand? Væri hægt að nýta sér breytt vinnufyrirkomulag í kjölfar COVID-19, minnka þörfina til að fara úr bæjarfélaginu til vinnu og þannig minnka umferð? 

Fjöldi fyrirtækja er nú farinn að bjóða upp á færri viðverudaga á vinnustað og launþegar eru farnir að sækjast eftir breyttu vinnufyrirkomulagi. Rekja má hinn mikla flótta starfsmanna og sérfræðinga á heimsvísu frá hefðbundnum störfum, til breytts viðhorfs til vinnu og þeirrar menningar að eyða miklum tíma í samgöngur til og frá vinnu. 

Garðabæjarlistinn vill styðja við þessa þróun með því að auka tækifæri fólks til að vinna a.m.k. hluta vinnuvikunnar utan vinnustaðar og innan síns bæjarfélags. Þannig minnkar fjarvera frá fjölskyldu, viðskipti við verslun og þjónustu í bæjarfélaginu aukast, það léttir á umferðinni og kolefnisspor bæjarins minnkar með minni akstri. Þannig bæjarfélag er einnig eftirsóknarverðari búsetustaður fyrir aldamótakynslóðina og þær kynslóðir sem eftir koma sem hafa önnur gildi þegar kemur að vinnu auk þessa að vera með sterka umhverfisvitund. Þetta unga fólk vill ekki endilega vinna heima hjá sér heldur miklu frekar á skemmtilegum starfsstöðvum með fjölbreyttri starfsemi og skapandi umhverfi. 

Eitt skref í þessa átt er að styðja við uppbyggingu öflugra samvinnurýma (e. co-working space) í bænum í anda Vinnustofu Kjarvals og Sjávarklasans, með aðgengi að mismunandi skrifstofum, fundarherbergjum, kaffihúsum, ráðstefnurýmum og öðrum samverustöðum. Vísir að minni samvinnurýmum eru komin á tvo staði í bænum með nokkrum borðum. Einnig hefur hópur listamanna skapað sér sameiginlega vinnuaðstöðu í bænum, en betur má ef duga skal. Hugsanlega gætu öflug samvinnurými hýst þverfaglega starfsemi þekkingarstarfsmanna og skapandi greina. Samlegðaráhrif slíks rýmis væru óteljandi. Íbúar nágrannasveitarfélaga gætu einnig nýtt sér þessi rými og stytt sinn ferðatíma. 

Samvinnurými af þessum toga sjáum við spretta upp í sveitarfélögum í jaðri Höfuðborgarsvæðisins sbr. Breiðin á Akranesi og Bankinn á Selfossi. Hvers vegna ekki í Garðabæ? 

Líklega er ekkert bæjarfélag á landinu með jafn hátt hlutfall þekkingarstarfsmanna og Garðabær og þrátt fyrir að vera svona nálægt Reykjavík er tíminn sem fer í að ferðast til og frá vinnu allt of mikill eða allt að klukkutími á dag. Getum við ekki öll verið sammála því að fá viðbótar klukkutíma með börnunum okkar sé eftirsóknarverðara en að sitja í bílnum að hlusta á Bylgjuna á leiðinni í vinnuna? 

Byggjum framsýnan bæ með fjölbreyttum atvinnutækifærum og fjölbreyttri vinnuaðstöðu fyrir núverandi og komandi kynslóðir. 

Höfundur er í 5. sæti á lista Garðabæjarlistans.

Garðabæjarlistinn, X-G, is a party in Garðabær made up of several different political parties (Social-democratic Alliance, Left Greens, the Pirate party) as well as of people that have no political affiliation, but care for our community here in Garðabær. We have been in minority in Garðabær council for the past four years, with three council members against the Independence party’s eight. 

Our priorities and issues in the upcoming elections revolve around three principles: We want Garðabær to be more diverse, child friendly, and responsible. 

Garðabæjarlistinn wants everyone to get from one place to another safely and efficiently, regardless of mode of transport. We will improve infrastructure for pedestrians, cyclists, electric-scooter users and place more emphasis on public transport. One thing that can be done right away is to create safe places for the storage of cycles in front of schools and sports areas.

We want everyone to be able to live in our beautiful Garðabær. When it comes to housing, we want to build more affordable and secure rental housing provided by non-profit organizations such as the ones founded by unions (Bjarg from ASÍ and BSRB, Blær from VR) and Icelandic Student Services (FS). 

Our community is more diverse than ever. Garðabæjarlistinn will create a human-rights policy for Garðabær and ensure that everyone who works for the municipality and schoolchildren receive anti-bias education, with the aim to improve living conditions for e.g. people of foreign origin, disabled people and LGBTI+ people.

Our community needs to be more child friendly. As is, costs are much higher for families in Garðabær than in neighbouring municipalities. Garðabæjarlistinn wants to systematically lower the cost of services for families with children, e.g. by providing extra discounts for families with two or more children who are in sports or other activities, and lower rates for play-school. In addition, we will provide a free healthy breakfast, e.g. oatmeal and fruit, for children in primary schools. 

Garðabæjarlistinn is determined in ensuring that the development of schools, sports and the music school is in accordance with the increase in population, while also improving safe access to sports and other activities between neighbourhoods. Children need to be safely able to bike or walk where they need to go. 

Garðabær should be a responsible community. We want to prioritise finances to create more equality for the people in Garðabær, make sure that disabled people receive adequate care and support, as well as having municipal housing available for people who need it. 

We want everyone to feel a sense of belonging in Garðabær, and for that information is key. Garðabæjarlstinn wants to make information on the rights of disabled and older people readily available, as well as providing more information on services and rights in other languages than Icelandic.

We encourage everyone to use their rights to vote on May 14, and hope that the people of Garðabær trust us to improve our community. 

Þorbjörg Þorvaldsdóttir, leader of X-G Garðabæjarlistinn

Foreign nationals are eligible to vote in municipal elections. Danish, Finnish, Norwegian and Swedish nationals who are registered with a legal domicile in Iceland have the right to vote in municipal elections. Other foreign nationals who have had a legal domicile in Iceland for more than 3 consecutive years before election day also have the right to vote in municipal elections. Voting in Garðabær takes place in Mýrin and Álftanesskóli, 14 May. To find information on where to vote, click here. 

Eftir sveitarstjórnarkosningar 2018 fengum við í Garðabæjarlistanum þrjá fulltrúa kjörna á móti átta fulltrúum Sjálfstæðisflokks. Við fengum rétt tæplega 30% atkvæða, sem telst frábær árangur hjá framboði sem var að koma saman í fyrsta sinn. Aðrir flokkar, Miðflokkur og Framsókn, náðu ekki inn manni og dóu því þau atkvæði sem þeir flokkar fengu. Eftir kosningar var farið í að skipa nefndir en þá kemur í ljós að við eigum aðeins rétt á einum fulltrúa á móti fjórum. Það þótti okkur ósanngjarnt í ljósi þess að við fengum þriðjung atkvæða. Í bæjarráði áttum við einn af fimm fulltrúum og að auki var ráðinn bæjarstjóri sem var á lista meirihlutans.

Þrátt fyrir þetta tókst okkur að halda meirihlutanum á tánum. Við þurftum að sjálfsögðu að leggja á okkur mikla vinnu til þess og það var virkilega skemmtilegt. Við náðum ótrúlegum árangri, en betur má ef duga skal.

Við lögðum fram margar tillögur í bæjarstjórn og jafnvel þó við vissum að þær yrðu aldrei samþykktar, allavega ekki í okkar nafni. Sumar hafa jafnvel verið teknar upp af meirihlutanum og komið þannig til framkvæmda.

Af tillögum og málum okkar á þessu kjörtímabili, má nefna hækkun hvatapeninga, syskina- og fjölgreinaafslátt, tekjutenging gjalda, sundkort fyrir ungmenni, ávaxta- og grænmetisstund í skólum, Janusarverkefnið fyrir eldri borgara, áætlun um uppbyggingu leikskóla, sérsöfnun á lífrænum úrgangi, útboð á endurskoðun ársreikninga og ungmennahús. Þá höfum við lagt fram fjölmargar bókanir ásamt því að leggja fram fyrirspurnir varðandi mál sem okkur finnst þurfa að bæta úr t.d. útboð á gámaleikskólum, kærumál vegna knatthúsins og útboð á vinnu iðnaðarmanna fyrir bæinn.

Í störfum nefnda hefur okkar fólk verið duglegt að halda uppi málefnlegri umræðu, því það er mikilvægt að ræða vel málin frá öllum hliðum og sér í lagi þegar unnið er að stefnumótun fyrir sveitarfélagið í heild sinni. Eftir okkar fólk liggur fjöldi bókana og tillagna sem hafa styrkt lífsgæði okkar allra í bænum.

Ánægjulegt hefur verið að sjá mikla fjölgun íbúa í Garðabæ á kjörtímabilinu, en frá árinu 2017 hefur fjölgað um 2800 íbúa. Við höfum þó áhyggjur af nokkrum þáttum. Aukin verðbólga er áhyggjuefni, sérstaklega þar sem að verðtryggðar skuldir bæjarsjóðs hafa aukist töluvert á kjörtímabilinu. Lántaka á síðustu tveimur árum er samtals 6,5 milljarðar kr. Skuldir á hvern íbúa hafa þ.a.l. aukist mjög mikið. Árið 2017 voru þær 751 þúsund kr. en eru í dag orðnar 1224 þúsund kr. á hvern íbúa. Við þurfum að fara varlega þegar að kemur að lántöku en að sama skapi auka við þjónustu til íbúa.

Að lokum vil ég nefna, að það sem gerir þennan minnihluta merkilegan er sú elja og þrautseigja sem okkar fólk hefur sýnt þrátt fyrir mikið valda ójafnvægi í bæjarstjórn og nefndum. Við í Garðabæjarlistanum er virkilega stolt af okkar þátttöku í stjórnun Garðabæjar, við höfum lært margt síðustu ár og vonumst til að fá ykkar stuðning til að gera enn betur á næsta kjörtímabili.

Setjum X við G,

Höfundur er í öðru sæti á lista Garðabæjarlistans fyrir komandi sveitarstjórnarkosningar.

Foreldrar eru undir stöðugu álagi. Hvort barnið sé búið með heimalesturinn, komist í leikskóla áður en foreldrar þurfa að fara aftur að vinna, sé öruggt á leiðinni í skólann, sé með hollt nesti. Hver á að sækja í dag? Bíddu, eru þessar buxur ekki orðnar of litlar? Vorum við búin að skrá krakkana á sumarnámskeið? Hvernig var með þessa fjáröflun? 

Já, hin svokallaða þriðja vakt hvílir þungt á foreldrum í Garðabæ líkt og annars staðar, og – eins og rannsóknir sýna – sérstaklega á mæðrum.

Það er ekki óeðlilegt að hugsanir foreldra hverfist að miklu leyti um velferð barnanna í fjölskyldunni. Við viljum börnunum okkar það besta. Við viljum veita þeim umhverfi þar sem þau geta vaxið og dafnað sem einstaklingar og upplifað lífshamingju, verið sjálfstæð og heilbrigð. 

Garðabær á að gera það sem hægt er til þess að einfalda líf foreldra og þannig gefa þeim andrými til þess að sinna öllu því sem þarf að láta ganga upp. Svo börnin okkar geti blómstrað. 

Garðabæjarlistinn vill lækka kostnað barnafjölskyldna með markvissum hætti: Með því að koma á systkina- og fjölgreinaafslætti í tómstundum gegnum hvatapeningakerfið, með því að lækka leikskólagjöld og með því að bjóða upp á hafragraut á morgnana í skólum og ávexti og grænmeti í nestistímanum án endurgjalds. Sumarfrístund á að vera valkostur á sumrin til viðbótar við þau námskeið sem félagasamtök í Garðabæ hafa boðið upp á. 

Garðabæjarlistinn vill minnka þörfina á skutli – fyrir lýðheilsu, loftslagið og sjálfstæði barnanna okkar. Það verður að auka öryggi gangandi og hjólandi vegfarenda í bænum svo foreldrar geti sent börnin sín áhyggjulaus af stað út í umferðina. En til þess verða börn og ungmenni líka að geta sótt skóla og tómstundir í sínu nærumhverfi, eða eiga kost á áreiðanlegum frístundabíl og góðum almenningssamgöngum þurfi þau að sækja í önnur hverfi. Til þess að einfalda líf bæði barna og foreldra þarf að gæta þess að uppbygging á skólum og tómstundum fylgi fjölgun íbúa í þeim hverfum sem byggjast upp hér í bænum. 

Í efstu fimm sætum Garðabæjarlistans sitja foreldrar sem eiga samtals fimmtán börn á leik- og grunnskólaaldri. Við vitum hvað þarf til svo hægt sé að létta álagi af foreldrum. Okkar samfélag er barnvænt samfélag. Sköpum það saman á kjördag. Veljum X-G.

Þorbjörg Þorvaldsdóttir
Oddviti X-G, Garðabæjarlistans

Ég vil byrja á að óska Garðabæ til hamingju með glænýtt fjölnota íþróttahús, Miðgarð. Þetta flotta hús mun auka til muna þau gæði sem hægt er að bjóða bæjarbúum og íþróttafélögum bæjarins. Hús sem allir eiga að nýta og er upphafið að framtíðarsvæði Stjörnunnar. 

Nú er vonandi hægt að einblína á aðra innviði í sveitarfélaginu og klára framkvæmdir við það sem hefur svo sannarlega setið á hakanum, samanber Urriðaholtsskóla. Við hjá Garðabæjarlistanum höfum ítrekað hvatt meirihlutann til að flýta framkvæmdum í Urriðaholti en það hefur engan veginn verið í forgangi líkt og dæmin sanna, engu líkara en að það sé viljandi gert að láta hverfið byggjast þannig upp að allt verði klárað fyrir utan grunnþjónustuna t.d. göngustígar, leiksvæði, skólar og leikskólar, aðgengi að íþróttasvæði Stjörnunnar svo eitthvað sé nefnt.

Bærinn hefur tekið þá stefnu að byggja bráðabirgðarhúsnæði í kringum grunn- og leikskólana okkar, sem skilur eftir lítið framtíðarverðmæti eftir fyrir sveitarfélagið. Þess í stað fara allir þeir fjármunir til þess aðila sem leigir sveitarfélaginu þær byggingar. Eftir standa gáma- og kofabyggðir. Þannig hefur skólinn í Urriðaholti, sem var forhannaður og búið var að skipuleggja, aðeins verið byggður upp að litlu leyti. Ef meirihlutinn vill koma með það mótsvar, sem ég hef reyndar heyrt og bæjarstjóri nefndi á íbúafundi bæði hér í okkar hverfi og á fundi á Álftanesi, að þegar hverfi eldast verði allt í einu mun minna af börnum þar: Halda þessi rök vatni? Hver er staðan í þeim skólum sem voru eru byggðir upp í eldri hverfum í sveitarfélaginu? Þeir skólar standa ekki tómir í dag og að auki hafa bráðabirgðakofar staðið við þá nánast alla tíð.

Ég verð þakklátur fyrir það ef yngsta barnið mitt nær að upplifa að skólinn, íþróttahúsið og sundlaugin verði fullbyggð í Urriðaholti.

Hnoðraholtið mun fara í mikla uppbyggingu á næstu árum. Það mun laða að sér svipaða íbúasamsetningu og er í Urriðaholti. Mikið af ungu fjölskyldufólki mun kappkosta við að byggja sér framtíðarheimili í vel staðsettu hverfi þar sem stutt er í stofnbrautir, náttúruna og íþróttaaðstöðu. Við þurfum að læra af reynslunni og klára innviðina tímanlega.

Að lokum langar mig að fjalla aðeins um Álftanesið mitt. Þar er búið að skipuleggja mikla þéttingu byggðar og þar er nauðsynlegt að tryggja uppbyggingu á grunn- og leikskólum til að mæta aukningu íbúafjölda. Einnig þarf að tryggja að aðstaða fyrir íþróttir og aðra félagsstarfsemi verði til fyrirmyndar. Íþróttahúsið er komið í ágætis ástand og með uppsetning flóðljósa á aðalvöll hefur aðstaðan tekið stakkaskiptum. Aftur á móti þarf að bæta aðstöðu fyrir áhorfendur og væri stórkostlegt ef útbúinn yrði annar völlur við hlið íþróttahússins.

Ég óttast það að ef ekki verður farið í uppbyggingu þessara innviða strax muni sagan úr Urriðaholti endurtaka sig. Staðan í dag er sú að í skólanum er lítið rými fyrir fjölgun nemenda, aðstaða fyrir utan skólann fyrir útiveru er langt frá þeim kröfum sem íbúar gera. Það væri óskandi að farið væri sem allra fyrst í framkvæmdir við körfuboltavöll og battavöll í nálægð við skólann og að byggt væri upp sambærilegt leiksvæði og er við Flataskóla og Sjálandsskóla. 

Guðjón Pétur Lýðsson. 4sæti á Garðabæjarlistanum, X-G